സഖാവ് പണിക്കൻ രാജൻ വിടവാങ്ങി. അവിഭക്ത ധർമ്മടം ലോക്കൽ കമ്മിറ്റി സെക്രട്ടറിയായി ദീർഘകാലം പ്രവർത്തിച്ച സഖാവ് തലശ്ശേരി പരിസരത്തെ വർഗ്ഗീയ കലാപത്തിൻ്റെ അനുരണനങ്ങൾ ധർമ്മടത്ത് ബാധിക്കാതിരിക്കാനും മതന്യൂനപക്ഷ സംരക്ഷണത്തിന് പാർടിയെ അണിനിരത്തുന്നതിലും മുഖ്യപങ്ക് വഹിച്ചു. അടിയന്തിരാവസ്ഥകാലത്ത് കോൺഗ്രസിൻ്റെ അക്രമങ്ങളെ പ്രതിരോധിക്കുകയും പിണറായി, പെരളശ്ശേരി മേഖലകളിലെ സഖാക്കളെ സംരക്ഷിക്കുകയും ചെയ്യുന്നതിൽ മുഖ്യപങ്ക് വഹിച്ചു.
എൺപതുകളിൽ ധർമ്മടം മേഖലയിൽ ആർഎസ്എസ് ആസൂത്രിതമായി നടത്തിയ ആക്രമപ്രവർത്തനങ്ങളെ പ്രതിരോധിക്കുന്നതിന് സഖാക്കളെ അണിനിരത്തുന്നതിലും സഖാവ് പണിക്കൻ രാജൻ പ്രധാന പങ്ക് വഹിച്ചു. ഇക്കഴിഞ്ഞ പാർടി സമ്മേളനം വരെ ധർമ്മടം നോർത്ത് ലോക്കൽ കമ്മിറ്റിയംഗമായിരുന്നു. കർഷക സംഘം വില്ലേജ് പ്രസിഡൻ്റായും സഖാവ് പ്രവർത്തിച്ചു. പ്രിയ സഖാവിന് അന്ത്യാഭിവാദ്യങ്ങൾ.
