വിതുര താലൂക്ക് ആശുപത്രിയില് ആംബുലന്സ് തടഞ്ഞതിനെ തുടര്ന്ന് രോഗി മരിച്ച സംഭവം അങ്ങേയറ്റം അപലപനീയമാണ്. കുറ്റക്കാര്ക്കെതിരെ കര്ശന നടപടി സ്വീകരിക്കുന്നതാണ്. ഇത് ഉത്തരവാദിത്വമുള്ള ഒരു രാഷ്ട്രീയ പാര്ടിക്കോ സംഘടനയ്ക്കോ ചേര്ന്ന പ്രവര്ത്തനമല്ല. സംഭവത്തില് വിതുര താലൂക്ക് ആശുപത്രി മെഡിക്കല് ഓഫീസര് പോലീസില് പരാതി നല്കിയിട്ടുണ്ട്. രോഗിയെ ആംബുലന്സില് കയറ്റാതെ തടസം സൃഷ്ടിക്കുകയും അസഭ്യം പറയുകയും, ആംബുലന്സ് തടയുകയും ചെയ്തുവെന്നാണ് ആരോഗ്യ പ്രവര്ത്തകരുടെ പരാതി. ഇൻഷുറൻസും ഫിറ്റ്നസുമുള്ള ആംബുലൻസാണെങ്കിലും ഇതൊന്നും ഇല്ല എന്ന തെറ്റായ ആരോപണം ഉന്നയിച്ചാണ് തടഞ്ഞത്. മരണമടഞ്ഞ ബിനുവിന് ആദരാഞ്ജലി.
