Skip to main content

സുസ്ഥിര വികസനത്തിനുള്ള ആഗോള അംഗീകാരമായ UN- ഷാങ്ഹായ് ഗ്ലോബൽ അവാർഡ് നേടിയ തിരുവനന്തപുരം കോർപ്പറേഷനും മേയർ ആര്യ രാജേന്ദ്രനും അഭിനന്ദനങ്ങൾ

സുസ്ഥിര വികസനത്തിനുള്ള ആഗോള അംഗീകാരമായ UN- ഷാങ്ഹായ് ഗ്ലോബൽ അവാർഡ് നേടിയ തിരുവനന്തപുരം കോർപ്പറേഷനും മേയർ ആര്യ രാജേന്ദ്രനും അഭിനന്ദനങ്ങൾ. ഓസ്ട്രേലിയയിലെ മെൽബൺ, ഖത്തറിലെ ദോഹ, മൊറോക്കയിലെ അഗദീർ, മെക്സിക്കോയിലെ ഇസ്താപലപ്പ എന്നീ ആഗോള നഗരങ്ങൾക്കൊപ്പമാണ് നമ്മുടെ തിരുവനന്തപുരവും ഈ പുരസ്കാരം സ്വന്തമാക്കിയത്. യുഎൻ സെക്രട്ടറി ജനറൽ അന്റോണിയോ ഗുട്ടെറസ്, ഈജിപ്ത് പ്രധാനമന്ത്രി മുസ്തഫ മദ്ബൗലി എന്നിവർ മുഖ്യാതിഥികളായിരുന്ന ഈജിപ്റ്റിൽ നടന്ന ചടങ്ങിലാണ് ആര്യ പുരസ്കാരം ഏറ്റുവാങ്ങിയത്. ഇന്ത്യയിൽ നിന്ന് ഈ പുരസ്കാരം നേടുന്ന ആദ്യ നഗരമാണ് തിരുവനന്തപുരം. നഗരങ്ങളുടെ പുരോഗതി, ഭരണം, പ്രവര്‍ത്തനങ്ങള്‍ എന്നിവ പരിഗണിച്ചാണ് അന്താരാഷ്ട്ര ജൂറി അവാർഡ് ജേതാക്കളെ തെരഞ്ഞെടുത്തത്.

രാഷ്ട്രീയ ലക്ഷ്യം മുൻനിർത്തി തിരുവനന്തപുരം നഗരസഭയ്ക്കും മേയർക്കുമെതിരെ ദുരാരോപണങ്ങൾ ഉന്നയിക്കുന്ന സംഘപരിവാറിനും യുഡിഎഫിനുമുള്ള ശക്തമായ മറുപടിയാണ് നഗരസഭയ്ക്ക് നിരന്തരമായി ലഭിക്കുന്ന ആഗോള-ദേശീയ അംഗീകാരങ്ങൾ. കേന്ദ്രസർക്കാരിന്റെ പ്രധാൻമന്ത്രി സ്വനിധി PRAISE പുരസ്കാരവും രണ്ട് ഹഡ്കോ പുരസ്കാരങ്ങളും ഉൾപ്പെടെ ഈ അടുത്ത ദിവസങ്ങളിൽ തന്നെ എത്രയെത്ര നേട്ടങ്ങളാണ് നഗരസഭ സ്വന്തമാക്കിയത്. ഏറ്റവുമൊടുവിലിതാ ഐക്യരാഷ്ട്ര സഭയുടെ പുരസ്കാരവും നേടിയിരിക്കുന്നു. ഈ നേട്ടം കേരളത്തിനാകെ അഭിമാനമാണ്. നഗരസഭയെ അന്താരാഷ്ട്ര നിലവാരത്തിലേക്ക് ഉയർത്താൻ പരിശ്രമിച്ച മേയർ ആര്യ രാജേന്ദ്രനെയും എൽഡിഎഫ് ഭരണസമിതിയെയും ജീവനക്കാരെയും തിരുവനന്തപുരം നിവാസികളെയും അഭിനന്ദിക്കുന്നു. കൂടുതൽ മികവിലേക്ക് നഗരത്തെ നയിക്കാൻ നമുക്ക് കൂട്ടായി പരിശ്രമിക്കാം.

സമീപകാല പോസ്റ്റുകൾ

വാർത്താക്കുറിപ്പുകൾ

ലേഖനങ്ങൾ

ജയചന്ദ്രൻ്റെ സ്മരണക്ക് മുന്നിൽ ആദരാഞ്ജലികൾ അർപ്പിക്കുന്നു

സ. പിണറായി വിജയൻ

കാല ദേശാതിർത്തികൾ ലംഘിക്കുന്ന ഗാന സപര്യക്കാണ് വിരാമമായിരിക്കുന്നത്. ഒരു കാലഘട്ടം മുഴുവൻ മലയാളിയുടെയും ദക്ഷിണേന്ത്യക്കാരൻ്റെയും ഇന്ത്യയിൽ ആകെയുള്ള ജനങ്ങളുടെയും ഹൃദയത്തിലേക്ക് കുടിയേറിയ ഗായകനാണ് പി ജയചന്ദ്രൻ. ജയചന്ദ്രൻ്റെ ഗാന ശകലം ഉരുവിടാത്ത മലയാളി ഇല്ല എന്ന് തന്നെ പറയാം.

മലയാളി മനസുകളിൽ ഭാവസാന്ദ്രമായ പാട്ടുകൾ നിറച്ച ഗായകൻ പി ജയചന്ദ്രന്റെ നിര്യാണത്തിൽ അഗാധമായ അനുശോചനം രേഖപ്പെടുത്തുന്നു

സ. എം വി ഗോവിന്ദൻ മാസ്റ്റർ

മലയാളി മനസുകളിൽ ഭാവസാന്ദ്രമായ പാട്ടുകൾ നിറച്ച ഗായകൻ പി ജയചന്ദ്രന്റെ നിര്യാണത്തിൽ അഗാധമായ അനുശോചനം രേഖപ്പെടുത്തുന്നു. സംഗീതാരാധാകർ നെഞ്ചേറ്റിയ ഭാവഗായകനായിരുന്നു ജയചന്ദ്രൻ. തമിഴിലും കന്നഡയിലും ഹിന്ദിയിലും തെലുങ്കിലുമെല്ലാം ആ ശബ്ദം നിറഞ്ഞൊഴുകി.

ഐ സി ബാലകൃഷ്‌ണൻ എംഎൽഎ സ്ഥാനം രാജിവയ്‌ക്കണം

സ. എം വി ഗോവിന്ദൻ മാസ്റ്റർ

സംഭവബഹുലമായ 2024 നോട് വിട പറഞ്ഞ് പുതുവർഷത്തിലേക്ക് പ്രവേശിച്ചിരിക്കുകയാണല്ലോ. ഏറെ പ്രതീക്ഷയോടെയാണ് കേരളത്തിലെ ജനങ്ങൾ പുതുവർഷത്തെ വരവേറ്റത്.

സ. പുത്തലത്ത് ദിനേശൻ രചിച്ച നാലു പുസ്‌തകം മുഖ്യമന്ത്രി സ. പിണറായി വിജയൻ പ്രകാശിപ്പിച്ചു

സിപിഐ എം സംസ്ഥാന സെക്രട്ടേറിയറ്റ് അംഗം സ. പുത്തലത്ത് ദിനേശൻ രചിച്ച നാലു പുസ്‌തകം മുഖ്യമന്ത്രി സ. പിണറായി വിജയൻ പ്രകാശിപ്പിച്ചു. 'വെള്ളത്തിൽ മീനുകളെന്നപോൽ, ബഹുസ്വരതയും മതരാഷ്ട്രവാദങ്ങളും, പഴമയുടെ പുതുവായനകൾ, സ്മരണകൾ സമരായുധങ്ങൾ' എന്നിവയാണ്‌ പ്രകാശിപ്പിച്ചത്‌.