സിപിഐഎം പൊളിറ്റ് ബ്യൂറോ പുറപ്പെടുവിക്കുന്ന പ്രസ്താവന
______________________________
ലിറ്ററിന് 2 രൂപ നിരക്കിൽ പാലിന് വില കൂട്ടാനുള്ള അമൂലിന്റെയും മദർ ഡയറിയുടെയും തീരുമാനത്തെ ശക്തമായി അപലപിക്കുന്നു.
ജനങ്ങൾക്ക് മേൽ കൂടുതൽ ഭാരം അടിച്ചേൽപ്പിക്കാൻ കേന്ദ്രസർക്കാർ തെരഞ്ഞെടുപ്പ് കഴിയുന്നത് വരെ കാത്തിരിക്കുകയായിരുന്നു എന്നത് ഇതിലൂടെ വ്യക്തമാണ്.
വോട്ടെടുപ്പ് പൂർത്തിയായ ഉടൻ തന്നെ ദേശീയപാത ടോൾ നികുതി രാജ്യത്തുടനീളം 5 ശതമാനം കേന്ദ്ര സർക്കാർ ഉയർത്തിയിരുന്നു. ജനങ്ങളുടെ യാത്രാച്ചെലവ് വർധിപ്പിക്കുന്നതിന് പുറമെ, റോഡ് മാർഗം കൊണ്ടുപോകുന്ന ഭക്ഷ്യസാധാനങ്ങൾ ഉൾപ്പെടെയുള്ള എല്ലാ ഉല്പന്നങ്ങളുടെയും വില ഗണ്യമായി വർധിക്കാൻ ഇത് കാരണമാകും.
