ഐതിഹാസികമായ മട്ടാഞ്ചേരി തൊഴിലാളി സമരത്തിന്റെ എഴുപതാം വാർഷികാചരണം ഉദ്ഘാടനം ചെയ്തു. പ്രാകൃതവും തൊഴിലാളി വിരുദ്ധവുമായ ചാപ്പ കുത്തിനെതിരെയും കങ്കാണിപ്പണിക്കെതിരെയും മട്ടാഞ്ചേരിയിലെ തൊഴിലാളികൾ ധീരമായി സമരം ചെയ്യുകയും രക്തസാക്ഷിത്വം വരിക്കുകയും ചെയ്ത ചരിത്രസംഭവമായിരുന്നു മട്ടാഞ്ചേരി. തുറമുഖം കേന്ദ്രീകരിച്ചു നടത്തിയ സമരത്തിൽ സഖാക്കൾ സെയ്ത്, സെയ്താലി, ആന്റണി എന്നിവർ ധീര രക്തസാക്ഷിത്വം വരിച്ചു.
തൊഴിലാളി സമരങ്ങളുടെ ചരിത്രത്തിലെ രക്ത മുദ്രിതമായ ഈ അധ്യായം ഈ കാലത്തെയെന്നപോലെ വരുംകാലത്തെയും പോരാട്ട പൂർണമാക്കും.
