ഇടുക്കി വെള്ളിയാമറ്റത്തെ കുട്ടിക്കര്ഷകൻ മാത്യു ബെന്നിയെയും കുടുംബത്തെയും ചേര്ത്തുപിടിച്ച് സിപിഐ എം. തമിഴ്നാട്ടിലെ ഫാമില്നിന്ന് എത്തിച്ച എച്ച്എഫ് ഇനത്തിലുള്ള മൂന്ന് പശുക്കളെ പാർടി ഇടുക്കി ജില്ലാ സെക്രട്ടറി സ. സി വി വർഗീസ് കുടുംബത്തിന് കൈമാറി. ജീവിതമാർഗമായിരുന്ന പശുക്കളെ നഷ്ടമായ കുട്ടിക്കർഷകൻ മാത്യു ബെന്നിയെയും കുടുംബത്തെയും സിപിഐ എം സംസ്ഥാന സെക്രട്ടറി എം വി ഗോവിന്ദൻ ഫോണില് വിളിച്ച് ആശ്വസിപ്പിച്ചിരുന്നു, പശുക്കളെ നല്കാമെന്നും അറിയിച്ചിരുന്നു. ഒരാഴ്ച തികയുമ്പോള് പറഞ്ഞ വാക്ക് പാര്ടി പാലിച്ചിരിക്കുകയാണ്. നല്ലരീതിയിൽ തന്നെ പശു വളര്ത്തല് തുടര്ന്നും നടത്താൻ നല്ലൊരു തൊഴുത്ത് പണിയാനും പാർടി ഒപ്പമുണ്ടാകുമെന്ന് കുടുംബത്തിന് സ. സി വി വർഗീസ് ഉറപ്പ് നൽകി.
