ലോകകപ്പ് വിശേഷങ്ങൾ ഉൾപ്പെടുത്തിയ ദേശാഭിമാനിയുടെ ‘കളിക്കളം’ പ്രത്യേക പതിപ്പ് സിപിഐ എം സംസ്ഥാന സെക്രട്ടറി സ. എം വി ഗോവിന്ദൻ മാസ്റ്റർ മുൻ ഇന്ത്യൻ ഫുട്ബോൾ താരം വി പി ഷാജിക്ക് നൽകി പ്രകാശനം ചെയ്തു. ദേശാഭിമാനി ചീഫ് എഡിറ്റർ സ. പുത്തലത്ത് ദിനേശൻ അധ്യക്ഷനായി. റസിഡന്റ് എഡിറ്റർ സ. എം സ്വരാജ് സംസാരിച്ചു. ലോകകപ്പിനെക്കുറിച്ചുള്ള സമ്പൂർണ വിവരങ്ങൾ അടങ്ങിയ ഒരു എൻസൈക്ലോപീഡിയയാണ് 120 പേജ് കളർ പതിപ്പ്. ലോകകപ്പിന്റെ രാഷ്ട്രീയം, ചരിത്രം, ഒരുക്കം, കളിയെയും കളിക്കാരെയും വിലയിരുത്തുന്ന വിശകലനങ്ങൾ, അഭിമുഖങ്ങൾ, അപൂർവ ചിത്രങ്ങൾ, 48 ടീമുകളെക്കുറിച്ചുള്ള സമഗ്ര പരിചയം, മത്സരക്രമം, ലോകകപ്പ് കാലത്തെ കേരളം തുടങ്ങിയവ പതിപ്പിലുണ്ട്. 100 രൂപയാണ് വില.
