സിപിഐ എം സംസ്ഥാന സെക്രട്ടറിയേറ്റ് പുറപ്പെടുവിക്കുന്ന പ്രസ്താവന
_________________________________________
സംസ്ഥാനത്ത് ഉണ്ടായിക്കൊണ്ടിരിക്കുന്ന മഴക്കെടുതിയിലുണ്ടാവുന്ന ദുരിതങ്ങള് പരിഹരിക്കുന്നതിന് എല്ലാ പാര്ടി ഘടകങ്ങളും സജീവമായി രംഗത്തിറങ്ങണം.
കുറഞ്ഞ സമയം കൊണ്ട് വലിയ അളവില് വെള്ളമുണ്ടാകുന്ന തരത്തിലാണ് മഴ പല സ്ഥലത്തും പെയ്തുകൊണ്ടിരിക്കുന്നത്. ഇതുകാരണം മലവെള്ളപ്പാച്ചിലും, പെട്ടന്നുള്ള പ്രളയങ്ങളും രൂപപ്പെടുന്നതിന് സാധ്യതയുണ്ട്. താഴ്ന്ന പ്രദേശങ്ങള് വെള്ളക്കെട്ടിനടിയിലാകാനും, മണ്ണിടിച്ചിലുള്ള സാധ്യതകളും ഉയര്ന്നുവരുന്നുണ്ട്.
മഴക്കെടുതിയുമായി ബന്ധപ്പെട്ട പ്രശ്നങ്ങള് പരിഹരിക്കുന്നതിന് സംസ്ഥാന സര്ക്കാര് ശക്തമായി ഇടപെട്ടുകൊണ്ടിരിക്കുകയാണ്. ഇത്തരം പ്രവര്ത്തനങ്ങളുമായി സഹകരിച്ചുകൊണ്ട് ജനങ്ങള്ക്കുണ്ടാകുന്ന കെടുതികളും, ആശങ്കകളും പരിഹരിക്കുന്നതിന് പാര്ടി പ്രവര്ത്തകര് മുന്നിട്ടിറങ്ങണം.
