ബില്ലുകളിൽ ഒപ്പിടാതെ ഗവർണ്ണർക്ക് മറ്റ് മാർഗ്ഗമില്ല. ഗവർണ്ണർക്ക് ഭരണഘടനപരമായ ഉത്തരവാദിത്വമുണ്ട്. ഭരണകാര്യങ്ങളിൽ ഇടപെടാൻ ഗവർണർമാർക്ക് പരിമിതികളുണ്ട്. ഗവർണർക്ക് എവിടെ വരെ പോകാൻ കഴിയുമെന്ന കാര്യത്തിൽ ഭരണഘടനക്ക് വ്യക്തതയുണ്ട്. സർക്കാരിന്റെ ദൈനംദിന പ്രവർത്തനങ്ങളെ തടസ്സപ്പെടുത്തുകയാണ് ഗവർണർ ഇപ്പോൾ ചെയ്യുന്നത്. ബിജെപിയുടെ പ്രധാന നേതാക്കളെയാണ് കേന്ദ്ര സർക്കാർ ഗവർണർമാരാക്കുന്നത്. തെരഞ്ഞെടുക്കപ്പെട്ട സർക്കാറിന് മേൽ ഗവർണറുടെ ആവശ്യമില്ലെന്നും ഗവർണർ പദവി ആവശ്യമില്ലെന്നാണ് സിപിഐ എം നിലപാട്.
മുതിർന്ന സിപിഐ എം നേതാവും കോഴിക്കോട് മുൻ മേയറുമായ ടിപി ദാസന്റെ നിര്യാണം പുരോഗമന പ്രസ്ഥാനങ്ങൾക്കാകെ നികത്താനാകാത്ത വിടവാണ് സൃഷ്ടിച്ചിരിക്കുന്നത്. കെഎസ്വൈഎഫിന്റെയും കെഎസ്എഫിന്റെയും സംസ്ഥാന നേതാവായിരുന്ന ടി പി ദാസൻ സഹകാരി, കായിക സംഘാടകൻ എന്നീ നിലകളിലെല്ലാം കോഴിക്കോടിന്റെ മുഖമായിരുന്നു.
സഖാവ് ടി പി ദാസന്റെ വിയോഗം വേദനയുളവാക്കുന്നതാണ്. കെ എസ് വൈ എഫ് കാലം മുതലുള്ള ബന്ധമാണ് ദാസനുമായിട്ടുള്ളത്. വിദ്യാർത്ഥി - യുവജന സംഘടനകളെ കെട്ടിപ്പടുക്കുന്നതിൽ സഖാവിന്റെ പങ്ക് അതുല്യമായിരുന്നു. വിട്ടുവീഴ്ചയില്ലാത്ത പ്രക്ഷോഭകാരി എന്നതിനൊപ്പം മികച്ച സംഘാടകനും സഹകാരിയുമായിരുന്നു അദ്ദേഹം.
കേരളത്തിന്റെ ഭാവിക്കും സമഗ്ര വികസനത്തിനും ജനക്ഷേമത്തിനും സഹായകമായ നിര്ണ്ണായക നിര്ദ്ദേശങ്ങളൊന്നും ഇല്ലാത്ത നയപ്രഖ്യാപനമാണ് ഗവർണർ ഇന്ന് നിയമസഭയില് നടത്തിയത്.
ഗവർണറുടെ നയപ്രഖ്യാപനം ഒരു നയരാഹിത്യത്തിന്റെ പ്രഖ്യാപനമായി മാറി. പറയേണ്ട കാര്യങ്ങൾ പലതും നയപ്രഖ്യാപനത്തിൽ പറയാതിരുന്നിട്ടുണ്ട്. കേരളത്തിന് അർഹമായ കുറേ കാര്യങ്ങൾ കേന്ദ്രസര്ക്കാരില്നിന്ന് ചോദിച്ചുവാങ്ങേണ്ടതായുണ്ട്. അതേക്കുറിച്ചെല്ലാം നയപ്രഖ്യാപനത്തിൽ മൗനംപാലിച്ചു.
