സ്വതന്ത്ര മാധ്യമങ്ങളെന്ന്‌ അവകാശപ്പെടുന്നവർപോലും വാർത്തകൾ വളച്ചൊടിക്കുകയാണ്. ജനങ്ങളെ വസ്‌തുത അറിയിക്കുകയെന്ന കടമ മറന്ന് വ്യാജ പ്രചാരണം നടത്തുകയാണ്‌ ഈ മാധ്യമങ്ങൾ. കേരളത്തിലെ യുഡിഎഫും ബിജെപിയും വ്യാജപ്രചാരണത്തിന്‌ കോടികളാണ്‌ ചെലവഴിക്കുന്നത്. വർഗരാഷ്ട്രീയത്തെ നേരിടാൻ എല്ലാ പിന്തിരിപ്പൻ ശക്തികളും സ്വത്വ രാഷ്ട്രീയം ഉയർത്തിക്കൊണ്ടുവരുകയാണ്‌. വർഗരാഷ്ട്രീയത്തിന്റെ ഭാഗമായി ഒന്നിച്ചണിനിരക്കേണ്ട ജനവിഭാഗങ്ങളെ ഭിന്നിപ്പിക്കാനാണ്‌ ശ്രമം. ഇതുവഴി മുതലാളിത്ത സംവിധാനത്തെയും ആഗോളവൽക്കരണ ശക്തികളെയും ശക്തിപ്പെടുത്തുകയാണ്‌ ലക്ഷ്യം.
