കണ്ണൂർ പയ്യാമ്പലത്ത്‌ കേരളത്തിൻ്റെ മഹാരഥന്മാരായിരുന്ന പ്രിയ സഖാക്കൾ ഇ കെ നായനാർ, ചടയൻ ഗോവിന്ദൻ, കോടിയേരി ബാലകൃഷ്ണൻ തുടങ്ങിയ സിപിഐ എം നേതാക്കളുടെ സ്മൃതികുടീരങ്ങൾക്ക് നേരെയുണ്ടായ ആക്രമണം അങ്ങേയറ്റം അപലപനീയമാണ്. കേരളത്തിന്റെ പൊതുസമൂഹത്തിന് അനിഷേധ്യമായ സംഭാവനകൾ നൽകിയ കമ്മ്യൂണിസ്റ്റ് നേതാക്കളുടെ ഓർമ്മകൾ പോലും ആരെയൊക്കെയോ ഭയപ്പെടുത്തുന്നുണ്ട്.
പൊതു തെരഞ്ഞെടുപ്പ് അടുത്തിരിക്കുന്ന സാഹചര്യത്തിൽ മനപ്പൂർവമായ പ്രകോപനങ്ങൾ സൃഷ്ടിക്കാനുള്ള നീക്കമാണിത്. ഇത്തരം ആക്രമണത്തിൽ ഒടുങ്ങുതല്ല പ്രിയ സഖാക്കളുടെ അനശ്വര സ്മരണകൾ. സ്മൃതികുടീരങ്ങൾക്ക് നേരെയുണ്ടായ ആക്രമണത്തിനെതിരെ ശക്തമായ പ്രതിഷേധം ഉയർന്നുവരണം.
