ബീഹാറിനും ആന്ധ്രയ്ക്കും ആയിരക്കണക്കിന് കോടി രൂപയുടെ റെയിൽവേ പദ്ധതികൾ അംഗീകരിച്ച കേന്ദ്രസർക്കാർ, ശബരിപാത അടക്കുള്ള കേരളത്തിലെ റെയിൽവേ പദ്ധതികളോട് പുറതിരിഞ്ഞ് നിൽക്കുകയാണ്. ഈ ക്രൂരമായ അവഗണനയിൽ കേരളത്തിലെ ജനങ്ങൾ കടുത്ത പ്രതിഷേധത്തിലാണ്. എന്നാൽ, സംസ്ഥാനത്ത് ബിജെപിക്കോ യുഡിഎഫിനോ അവരുടെ പ്രചാരകരായ വലതുപക്ഷമാധ്യമങ്ങൾക്കോ യാതൊരു പ്രതിഷേധമോ പരിഭവമോ ഇല്ല. അവർക്ക് ഇത് ഒരു പ്രധാന വാർത്തപോലുമല്ല. അവർ സംസ്ഥാന സർക്കാരിനും സിപിഐഎമ്മിനുമെതിരെ ഇല്ലാത്ത വിഷയങ്ങൾ ഉയർത്തി അപവാദങ്ങൾ പ്രചരിപ്പിക്കുന്ന തിരക്കിലാണ്.
ലോക രാഷ്ട്രീയത്തെ നിർണയിക്കാനും നിയന്ത്രിക്കാനും ശേഷിയുള്ള സിദ്ധാന്തമായി മാർക്സിസത്തെ പരിവർത്തനപ്പെടുത്തിയ ഉജ്ജ്വല വിപ്ലവകാരി ലെനിന്റെ ഓർമ്മദിവസമാണിന്ന്. പുതിയൊരു ലോകക്രമം എന്ന മനുഷ്യരാശിയുടെ സ്വപ്നം സാധ്യമാണെന്ന് ലോകത്തെ പഠിപ്പിച്ച മഹാരഥൻ.
മഹാനായ ലെനിന്റെ ഓർമ്മദിനമാണ് ഇന്ന്. മാർക്സിസം കേവലം തത്വചിന്തയല്ലെന്ന കാൾ മാർക്സിൻ്റെ കാഴ്ചപ്പാടിനെ പ്രയോഗവൽക്കരിച്ചു എന്നതാണ് ലെനിൻ്റെ ഏറ്റവും വലിയ സംഭാവന. ലെനിൻ നേതൃത്വം നൽകിയ റഷ്യൻ വിപ്ലവത്തിലൂടെ മാർക്സിസം - ലെനിനിസം ലോകത്തിൻ്റെ വിപ്ലവ സിദ്ധാന്തമായി വളരുകയായിരുന്നു.
സിപിഐ എം പുനലൂർ ഏരിയ കമ്മിറ്റി ഓഫീസ് മന്ദിരമായ വിഎസ് ഭവൻ മുഖ്യമന്ത്രി സ. പിണറായി വിജയൻ ഉദ്ഘാടനം ചെയ്തു.
ഇന്ത്യൻ തൊഴിലാളിവർഗത്തിന്റെ ശക്തനായ ദേശീയ നേതാവും മികച്ച പാർലമെന്റേറിയനുമായിരുന്നു സ. ഇ ബാലാനന്ദൻ. സഖാവ് നമ്മെ വിട്ടുപിരിഞ്ഞിട്ട് ഇന്ന് 17 വർഷം തികയുന്നു. 2009 ജനുവരി 19 നാണ് അദ്ദേഹം അന്തരിച്ചത്. കേരളത്തിലെ തൊഴിലാളിവർഗ പ്രസ്ഥാനത്തിന്റെ ആദ്യപഥികരിൽ ഒരാളായിരുന്നു ഇ ബാലാനന്ദൻ.
