കോണ്ഗ്രസിന്റെ മുട്ടാപോക്ക് നയം തെരഞ്ഞെടുപ്പ് രംഗത്ത് പ്രതികൂലമായി ഭവിക്കുകയായിരുന്നു. എങ്ങനെയാണ് ബിജെപിയെ നേരിടേണ്ടത്. ബിജെപി രാജ്യത്ത് സ്വീകരിക്കുന്ന തെറ്റായ നയപരിപാടികളെ എതിര്ത്തുകൊണ്ടാകണമല്ലോ അത്. കോണ്ഗ്രസിന് അതിന് കഴിഞ്ഞോ?
കോണ്ഗ്രസിന്റെ സമുന്നതനായ നേതാവായ കമല്നാഥിന്റെ പ്രചരണ രീതി എന്തായിരുന്നു. ബിജെപിയുടെ ബി ടീമായി കോണ്ഗ്രസ് നില്ക്കുന്ന രീതിയിലായിരുന്നില്ലെ അത്.ഇത്തരത്തിലുള്ള ദുര്ഗതി ഉണ്ടാക്കിവെച്ചത് കോണ്ഗ്രസാണ് എന്ന് നാം തിരിച്ചറിയണം. കോണ്ഗ്രസ് ഇത് തിരിച്ചറിയണം,ഇതില് നിന്നും പാഠമുള്ക്കൊള്ളണം.
രാജ്യത്ത് ബിജെപിയെ പരാജയപ്പെടുത്തുക എന്നത് ഇന്ന് രാജ്യം അവശ്യപ്പെടുന്ന, ആഗ്രഹിക്കുന്ന ഒരു കാര്യമാണ്. പക്ഷെ അത് ഞങ്ങള് ഒറ്റക്ക് നിര്വഹിക്കും എന്ന് കരുതി ഇറങ്ങിപ്പുറപ്പെട്ടാല് അത് സാധിക്കില്ല എന്നാണ് ഈ കടുത്ത അനുഭവം കാണിക്കുന്നത്.
