എസ്എഫ്ഐ നടത്തിയ കരിങ്കൊടി പ്രകടനത്തിനു പിന്നിൽ മുഖ്യമന്ത്രിയാണെന്ന ഗവർണറുടെ പ്രസ്താവന ദൗർഭാഗ്യകരം പ്രതിഷേധിച്ച വിദ്യാർഥികളെ തെമ്മാടികളും ഗുണ്ടകളും എന്നാണ് ഗവർണർ ആക്ഷേപിച്ചത്. കേരളത്തിൽ നിരവധി മുഖ്യമന്ത്രിമാരും ഗവർണർമാരും കരിങ്കൊടി പ്രകടനം കണ്ടിട്ടുണ്ട്. എസ്എഫ്ഐ പ്രവർത്തകരെ ക്രിമിനൽ എന്നുവിളിക്കുന്ന ഗവർണർ, ഒരു കൊലക്കേസ് പ്രതിയുടെ ഭാര്യയെയാണ് സെനറ്റിലേക്ക് നാമനിർദേശം ചെയ്തത്. മുൻകൂട്ടി പറഞ്ഞിട്ടാണ് എസ്എഫ്ഐ പ്രതിഷേധിച്ചത്. അതിൽ വഴിവിട്ട മാർഗം ഉണ്ടായെങ്കിൽ അത് ഗവർണർക്ക് പറയാം. ഗവർണർ ഈ രൂപത്തിലുള്ള പ്രകോപനം ആർക്കുവേണ്ടിയാണ് ഉണ്ടാക്കുന്നത്. ഇക്കാര്യത്തിൽ ആത്മപരിശോധന നടത്താൻ ഗവർണർ തയ്യാറാകണം.
