കേന്ദ്രത്തിന്റെ സാമ്പത്തിക ഉപരോധത്തിനെതിരെ ജനാധിപത്യ പ്രക്ഷോഭം നടത്തിയും ഭരണഘടനയെയും നീതിന്യായ വ്യവസ്ഥയെയും കൂട്ടുപിടിച്ചും കേരളം നടത്തിയത്‌ അഭിമാനപോരാട്ടം. കേരളത്തെ തകർക്കാൻ ശ്രമിക്കുന്ന കേന്ദ്ര ബിജെപി സർക്കാരിന്‌ പിന്തുണ നൽകുകയാണ്‌ യുഡിഎഫും അവരുടെ എംപിമാരും.
ഗുജറാത്ത്‌ കലാപത്തിൽ ബിൽക്കീസ്‌ ബാനുവിനെ ക്രൂരമായി പീഡിപ്പിച്ച പ്രതികൾക്ക്‌ ഭരണാധികാരികൾ സഹായം ചെയ്തു കൊടുക്കുന്ന രാജ്യത്ത്‌ എങ്ങനെയാണ്‌ പ്രധാനമന്ത്രി പ്രഖ്യാപിച്ച നാരീശക്തി നടപ്പാക്കുന്നത്‌. ബിൽക്കീസ്‌ ബാനു കേസിൽ പ്രതികളെ വെറുതെവിട്ടതും രാജ്യത്തിന്റെ അഭിമാനമായ ഗുസ്‌തിതാരങ്ങൾ നീതിക്കായി തെരുവിൽ പൊട്ടിക്കരഞ്ഞതും പ്രധാനമന്ത്രി നരേന്ദ്രമോദിയുടെ ‘നാരീശക്തി’ മോഡലാണ്‌. ഈ വിഷയങ്ങളിലൊക്കെ മോദി മൗനംപാലിച്ചെങ്കിലും ബിജെപിയിലെ ഒരു വനിതാനേതാവു പോലും പ്രതികരിച്ചില്ല. രാജ്യത്ത്‌ എവിടെയൊക്കെ സ്‌ത്രീകൾക്കെതിരെ അക്രമം ഉണ്ടായപ്പോളും അവിടെയെല്ലാം മഹിളാ അസോസിയേഷൻ പ്രതിരോധം തീർത്തിട്ടുണ്ട്‌.
