സിപിഐ എം 24ാം പാർടി കോൺഗ്രസിന് മുന്നോടിയായുള്ള സംസ്ഥാനത്തെ പാർടി ജില്ലാ സമ്മേളനങ്ങൾ ഡിസംബർ, ജനുവരി, ഫെബ്രുവരി മാസങ്ങളിലായി നടക്കും. സംസ്ഥാന സമ്മേളനം നടക്കുന്ന കൊല്ലത്താണ് ആദ്യ ജില്ലാ സമ്മേളനം. ഫെബ്രുവരിയിലാണ് സിപിഐ എം സംസ്ഥാന സമ്മേളനം. 2025 ഏപ്രിൽ രണ്ടുമുതൽ ആറുവരെ തമിഴ്നാട്ടിലെ മധുരയിലാണ് പാർടി കോൺഗ്രസ്. സെപ്റ്റംബർ ഒന്നിന് ആരംഭിച്ച ബ്രാഞ്ച് സമ്മേളനങ്ങൾ പൂർത്തിയായിവരികയാണ്. ബ്രാഞ്ച് സമ്മേളനങ്ങൾ പൂർത്തിയായ ഇടങ്ങളിൽ ലോക്കൽ സമ്മേളനങ്ങൾ ആരംഭിച്ചു. 38,426 ബ്രാഞ്ചുകളും 2,444 ലോക്കൽകമ്മിറ്റികളിലും സമ്മേളനങ്ങൾ ഒക്ടോബർ മാസത്തോടെ പൂർത്തിയാകും. 210 ഏരിയാ സമ്മേളനങ്ങൾ നവംബറിൽ പൂർത്തിയാകും.
