വിഴിഞ്ഞം തുറമുഖത്തിന്‌ കേന്ദ്രസർക്കാർ നൽകുമെന്ന്‌ പറഞ്ഞ വയബിലിറ്റി ഗാപ്പ്‌ ഫണ്ട്‌ തിരിച്ചടക്കണമെന്ന കേന്ദ്രസർക്കാരിന്റെ നിലപാട്‌ കേരളത്തോട്‌ കാണിക്കുന്ന അവഗണനയുടെ മറ്റൊരു മുഖമാണ്. രാജ്യത്തെ മറ്റ്‌ പല തുറമുഖങ്ങൾക്കും കേന്ദ്രം നൽകിയ പരിഗണന വിഴിഞ്ഞത്തിന്‌ മാത്രം നൽകില്ലെന്ന നിലപാട്‌ അങ്ങേയറ്റം പ്രതിഷേധാർഹമാണ്‌. സാമ്പത്തിക ഉപരോധം ഏർപ്പെടുത്തി കേരളത്തെ തകർക്കാൻ ശ്രമിക്കുന്ന കേന്ദ്രസർക്കാർ നിലപാടിന്റെ തുടർച്ച തന്നെയാണിത്.
പ്രളയദുരിതത്തിൻെറ കാലത്ത്‌ മറ്റ്‌ രാജ്യങ്ങൾ നൽകിയ സഹായധനത്തെ തടഞ്ഞ കേന്ദ്ര സർക്കാർ വയനാടിൻെറ കാര്യത്തിലും തികഞ്ഞ അവഗണനയാണ്‌ കാണിക്കുന്നത്‌. വയനാട്‌ ദുരന്തം വർത്തമാനകാലത്തെ രാജ്യത്തെ ഏറ്റവും വലിയ ഒന്നായിട്ടും മറ്റ്‌ സംസ്ഥാനങ്ങൾക്ക് നൽകിയ പരിഗണന കേരളത്തിന്‌ നൽകുകയുണ്ടായില്ല. കേരളത്തോട്‌ കാണിക്കുന്ന ഇത്തരം അവഗണനയ്ക്ക്‌ എതിരെ ശക്തമായ പ്രതിഷേധം ഉയരണം.
