സഖാവ് യു ആർ പ്രദീപിന്റെ വിജയം സുനിശ്ചിതമാണെന്ന പ്രഖ്യാപനമാണ് ചേലക്കരയിൽ ഇടതുപക്ഷ ജനാധിപത്യ മുന്നണിയുടെ കൺവെൻഷനിൽ മുഴങ്ങിയത്. സമ്മേളനത്തിലേയ്ക്ക് ഒഴുകിയെത്തിയ ജനസാഗരം പങ്കു വച്ച ആവേശം എൽഡിഎഫിനു ആത്മവിശ്വാസം പലമടങ്ങ് വർദ്ധിപ്പിക്കുന്നതാണ്. വലതുപക്ഷത്തിന്റെ നുണപ്രചാരണങ്ങളും ബിജെപിയുടെ വർഗീയ രാഷ്ട്രീയവും തള്ളിക്കളഞ്ഞ് തങ്ങളുടെ പ്രിയങ്കരനായ യു.ആർ പ്രദീപിനെ ചേലക്കര മണ്ഡലത്തിലെ ജനങ്ങൾ തെരഞ്ഞെടുക്കും. ജനാധിപത്യത്തിന്റെയും മതനിരപേക്ഷതയുടേയും സാഹോദര്യത്തിന്റെയും മൂല്യങ്ങൾ നഷ്ടപ്പെടാതിരിക്കാൻ, നാടിന്റെ നന്മ ഉറപ്പു വരുത്താൻ ഇടതുപക്ഷ ജനാധിപത്യ മുന്നണിയ്ക്കൊപ്പം ജനങ്ങൾ അടിയുറച്ചു നിൽക്കും.
