സിപിഐ എം പോളിറ്റ് ബ്യൂറോ പുറപ്പെടുവിക്കുന്ന പ്രസ്താവന
------------------------------------
നിയമസഭാ തെരഞ്ഞെടുപ്പിൽ കർണാടകയിലെ ജനങ്ങൾ ബിജെപിയെ തള്ളിക്കളഞ്ഞിരിക്കുകയാണ്. ബിജെപി സർക്കാരിന്റെ കടുത്ത ദുർഭരണത്തിന്റെയും അഴിമതിയുടെയും ഫലമാണ് ഈ തോൽവി. പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ നടന്ന തെരഞ്ഞെടുപ്പു പ്രചാരണവേളയിൽ ബിജെപി അഴിച്ചുവിട്ട രൂക്ഷമായ വർഗീയ കുപ്രചരണങ്ങളെ ജനങ്ങൾ തിരസ്കരിച്ചു എന്നതാണ് ഈ തെരഞ്ഞെടുപ്പ് വിധി വ്യക്തമാക്കുന്നത്. ബിജെപിക്ക് എതിരായ ശക്തമായ ഭരണ വിരുദ്ധ വികാരം നിയമസഭയിൽ ഭൂരിപക്ഷം നേടാൻ കോൺഗ്രസിന് സഹായകമായി. ബിജെപിക്കെതിരെ ശക്തമായി വിധിയെഴുതിയ കർണാടകയിലെ ജനങ്ങളെ അഭിനന്ദിക്കുന്നു.
