മുതിർന്ന സിപിഐ എം നേതാവും കർഷക തൊഴിലാളി യൂണിയൻ സ്ഥാപക നേതാക്കളിൽ ഒരാളുമായിരുന്ന സ. കെ എസ് ശങ്കരന്റെ നിര്യാണത്തിൽ അനുശോചനം രേഖപ്പെടുത്തുന്നു. വേലൂർ മണിമലർക്കാവ് മാറുമറയ്ക്കൽ സമരം, വാഴാനി കനാൽ സമരം, 1970 ലെ കുടികിടപ്പ് സമരം, മിച്ചഭൂമി സമരം തുടങ്ങി നിരവധി പോരാട്ടങ്ങളിലെ നേതൃത്വമായിരുന്നു സഖാവ് ശങ്കരൻ. ഈ സമരങ്ങളുടെ പേരിലും അടിയന്തരാവസ്ഥ കാലത്തുമായി ഏറെ വർഷങ്ങൾ ജയിൽവാസം അനുഭവിച്ചു. കൊടിയ മർദ്ദനവും വിവിധ സമരകാലയളവിൽ അദ്ദേഹത്തിന് ഏറ്റുവാങ്ങേണ്ടി വന്നിട്ടുണ്ട്.
ദീർഘകാലം സിപിഐ എം തൃശ്ശൂർ ജില്ലാ കമ്മിറ്റി അംഗം, വടക്കാഞ്ചേരി എരിയാ കമ്മിറ്റി സെക്രട്ടറി, കർഷക തൊഴിലാളി യൂണിയൻ ജില്ലാ സെക്രട്ടറി എന്നീ നിലകളിൽ പ്രവർത്തിച്ചു. മഹിളാ അസോസിയേഷൻ നേതാവായിരുന്ന സ. കെ വി പുഷ്പയാണ് ഭാര്യ.
