ദേശാഭിമാനി അക്ഷരമുറ്റം ടാലന്റ് ഫെസ്‌റ്റിന്റെ വിജയികൾക്കുള്ള സമ്മാനദാനം സിപിഐ എം സംസ്ഥാന സെക്രട്ടറി സ. എം വി ഗോവിന്ദൻ മാസ്റ്റർ നിർവഹിച്ചു. മലയാളത്തിന്റെ അഭിമാനതാരം മോഹൻലാൽ മുഖ്യാതിഥിയായി. ഓരോ നിമിഷവും സ്വയം പുതുക്കിക്കൊണ്ടിരിക്കുന്ന പ്രിയപ്പെട്ട എഴുത്തുകാരൻ എം മുകുന്ദന് ദേശാഭിമാനി സമഗ്ര സംഭാവനാ പുരസ്കാരം സമ്മാനിച്ചു.
പൊതു വിദ്യാഭ്യാസ മേഖലയ്ക്ക് മുതൽക്കൂട്ടാവുന്ന നിരവധി പ്രവർത്തനങ്ങളാണ് ദേശാഭിമാനി അക്ഷരമുറ്റം ഏറ്റെടുത്തത്. ക്വിസ്, രചനാ മത്സരങ്ങൾ എന്നിവയിലൂടെ വിദ്യാർഥികളുടെ സർഗ്ഗശേഷി വർദ്ധിപ്പിക്കുന്ന ടാലന്റ് ഫെസ്റ്റുകൾ വിജ്ഞാന കേരളത്തിന്റെ അറിവുത്സവം കൂടിയാണ്. ദേശാഭിമാനി ചീഫ് എഡിറ്റർ സ. പുത്തലത്ത് ദിനേശൻ ചടങ്ങിൽ പങ്കെടുത്തു.
