സൂപ്പർഹിറ്റ് ചിത്രങ്ങൾ സമ്മാനിച്ച സംവിധായകനും ഛായാഗ്രാഹകനുമായ സംഗീത് ശിവന്റെ നിര്യാണത്തിൽ അനുശോചിക്കുന്നു. യോദ്ധയും നിർണയവും ഗാന്ധർവവുമടക്കം എക്കാലവും ഓർത്തിരിക്കുന്ന ചിത്രങ്ങൾ സംഭാവന ചെയ്താണ് സംഗീത് ശിവന്റെ മടക്കം. മലയാളത്തിന് പുറമെ ഹിന്ദി സിനിമാലോകത്തും അദ്ദേഹത്തിന് തന്റെ പ്രാഗത്ഭ്യം തെളിക്കാനായി. തീയറ്ററുകളെ ആഘോഷമാക്കി മാറ്റിയ ചിത്രങ്ങളിലൂടെ അദ്ദേഹം പ്രേക്ഷകരുടെ കയ്യടി നേടി. സംവിധായകനായും ഛായാഗ്രാഹകനായും നിർമാതാവായും സിനിമാ മേഖലയ്ക്ക് വിലപ്പെട്ട സംഭാവനകൾ നൽകിയ സംഗീത് ശിവന്റെ നിര്യാണത്തിൽ അഗാധമായ ദുഃഖം രേഖപ്പെടുത്തുന്നു. അദ്ദേഹത്തിന്റെ വിയോഗത്തിൽ കുടുംബാംഗങ്ങളുടെയും സിനിമാലോകത്തിന്റെയും ദുഃഖത്തിൽ പങ്കുചേരുന്നു.
