സിപിഐ എം എടക്കാട് ഏരിയ കമ്മിറ്റി മുൻ സെക്രട്ടറിയായിരുന്ന സഖാവ് ചന്ദ്രൻ കീഴുത്തള്ളിയുടെ നിര്യാണത്തിൽ അനുശോചനം രേഖപ്പെടുത്തുന്നു. നിസ്വവര്‍ഗ്ഗത്തിന് വേണ്ടി ജീവിതം സമര്‍പ്പിച്ച നേതാവായിരുന്നു അദ്ദേഹം. എടക്കാട് മേഖലയിൽ കർഷക തൊഴിലാളികളെ സംഘടിപ്പിക്കുന്നതിനും കമ്മ്യൂണിസ്റ്റ് പാർടി കെട്ടിപ്പടുക്കുന്നതിലും സഖാവ് നേതൃപരമായ പങ്കുവഹിച്ചു. മിച്ചഭൂമി സമരം അടക്കമുള്ള പ്രക്ഷോഭങ്ങളിൽ പങ്കെടുത്ത് ക്രൂരമർദ്ദനത്തിനിരയാവുകയും ജയിൽ വാസം അനുഭവിക്കുകയും ചെയ്തു. അടിയന്തരാവസ്ഥക്കാലത്ത് അദ്ദേഹം റിമാൻഡ് തടവുകാരനായിരുന്നു. കർഷക തൊഴിലാളി യൂണിയൻ കണ്ണൂർ ജില്ലാ ട്രഷറർ, എടക്കാട് പഞ്ചായത്ത് പ്രസിഡന്റ്, കണ്ണൂർ ജില്ലാ പഞ്ചായത്ത് അംഗം എന്നീ നിലകളിലും സഖാവ് പ്രവർത്തിച്ചു. അദ്ദേഹത്തിന്റെ വിയോഗത്തിൽ കുടുംബാംഗങ്ങളുടെയും സഖാക്കളുടെയും ദുഃഖത്തിൽ പങ്കുചേരുന്നു.
