മുൻ മന്ത്രിയും മുസ്ലീംലീഗ് നേതാവുമായ കെ കുട്ടി അഹമ്മദ്കുട്ടിയുടെ നിര്യാണത്തിൽ അനുശോചനം രേഖപ്പെടുത്തുന്നു. പഞ്ചായത്ത് പ്രസിഡന്റ്, ജില്ലാ പഞ്ചായത്ത് അംഗം, നിയമസഭാംഗം, മന്ത്രി എന്നീ നിലകളിലെല്ലാം മികച്ച പ്രവർത്തനം കാഴ്ചവെക്കാൻ സാധിച്ച നേതാവായിരുന്നു അദ്ദേഹം. മികച്ച തൊഴിലാളി നേതാവുകൂടിയായിരുന്നു കുട്ടി അഹമ്മദ്കുട്ടി. ആശയ ഭിന്നതകൾക്കപ്പുറം സൗഹൃദങ്ങൾ കാത്തുസൂക്ഷിക്കാൻ കഴിഞ്ഞ അദ്ദേഹത്തിന്റെ വിയോഗം പൊതു സമൂഹത്തിനാകെ വലിയ നഷ്ടമാണ്. കെ കുട്ടി അഹമ്മദ് കുട്ടിയുടെ നിര്യാണത്തിൽ കുടുംബാംഗങ്ങളുടെയും സഹപ്രവർത്തകരുടെയും ദുഃഖത്തിൽ പങ്കുചേരുന്നു.
