തളിപ്പറമ്പ് മണ്ഡലം സമഗ്ര വിദ്യാഭ്യാസ പദ്ധതിയുടെ ഭാഗമായി തെരഞ്ഞെടുത്ത വിദ്യാർഥികൾക്ക് മികച്ച തൊഴിൽ സാധ്യതകളൊരുക്കുന്ന ദ്വിദിന ശിൽപ്പശാല കണ്ണൂർ ഗവ. എൻജിനിയറിങ് കോളേജ്, ധർമ്മശാലയിൽ ഉദ്ഘാടനം ചെയ്തു.
പ്രമുഖ ടെക്നോളജി കമ്പനികളിലൊന്നായ എച്ച്‌സിഎൽ ടെക്നോളജീസാണ് മണ്ഡലത്തിലെ 14 ഹയർസെക്കൻഡറി സ്‌കൂളിലെ തെരഞ്ഞെടുത്ത നൂറു കുട്ടികൾക്ക് പരിശീലനം നൽകുന്നത്.
പ്ലസ്‌ടു വിദ്യാർഥികൾക്ക് മുഴുവൻ സമയ ജോലികൾ പ്രദാനം ചെയ്യുന്ന എക്സ്ക്ലൂസിവ് കരിയർ പ്രോഗ്രാമാണ് നൽകുന്നത്. എൻട്രി ലെവൽ ഐടി ജോലികൾക്ക് 12 മാസത്തെ പരിശീലനവും അവസരവും നൽകുന്ന പദ്ധതിയാണിത്.
